काठमाडौं । पाल्पाको सडकमा भएको जीप दुर्घटनामा परी ८ जनाको मृत्यु भएको छ ।
लुम्बिनी प्रदेश प्रहरी प्रमुख डीआईजी कुवेर कडायतले सार्वजनिक गरेको जानकारी अनुसार तिनाउ गाउँपालिका–६, चिदीसमा लु १ ज २३७१ नम्बरको जीप दुर्घटनामा परी कम्तीमा ८ जनाको मृत्यु भएको हो । पौने ५बजेतिर भएको जनाइएको छ ।
अहिले घटनास्थलमा जिल्ला प्रहरी कार्यालय, पाल्पाका प्रमुख एसपी हेरम्ब शर्मासहितको टोली पुगेको छ । डुम्रेबाट चिदिसतर्फ जाँदै गरेको जीप सडकबाट अन्दाजी ३ सय मिटर तल खसेको डीआईजी कडायतले जानकारी सार्वजनिक गरेका छन् ।
दुर्घटनाको कारण खुलेको छैन । प्रहरीका अनुसार, जीपमा १५ जना यात्रु सवार रहेको सूचना छ ।
तिनाउ गाउँपालिका–६ का वडाध्यक्ष टोमबहादुर पुनले सार्वजनिक गरेको जानकारी अनुसार , दुर्घटनामा घाइतेहरुको उद्धार कार्य जारी छ । उद्धार गरिएकाहरुलाई लुम्बिनी मेडिकल कलेज पठाइएको छ ।
© 2025 All right reserved to Nayasadak.com | Site By : Sobij
