May 02 2025 | २०८२, वैशाख २०गते
सिरहा।सिरहामा स्रोत नखुलेको १० लाख भन्दा बढी रकम सहित एक जनालाई प्रहरीले पक्राउ गरेको छ।
जिल्लाको लक्ष्मीपुर पतारी गाउँपालिका वडा नं.६ सितापुर बस्ने अं. वर्ष ३० को मुकेश कुमार साहलाई स्रोत नखुलेको अक्षरूपी दश लाख एक हजार छ सय तीस रुपैया सहित पक्राउ गरेको हो।
लहान नगरपालिका वडा नं. १ गोलचक्कर स्थित इ.प्र.का. लहान सिरहाबाट प्र।नि।लिलाभक्त वादे र जि।प्र।का।सिरहाबाट प्र।स।नि। दुर्गा यादवको कमाण्डमा खटिएको संयुक्त प्रहरी टोलीले पूर्व पश्चिम लोकमार्ग सडक खण्डमा चेकजाँच गर्ने क्रममा पुर्वबाट आईरहेको प्र ०१२-०१-००२ प ३९६९ नं.को सुपर स्प्लेण्डर मोटरसाईकलमा सवार भई आएका साहलाई शंका लागि चेकजाँच तथा शरीर खानतलासी गर्दा निजले आफ्नो साथमा बोकेको रातो रंङको झोलाबाट श्रोत नखुलेको नेपाल एसबिआई बैंकको स्टीकर लागेको रु.१,०००।– दरको नोटको १० वटा प्याकेट र अन्य रू.१६३०।( गरी जम्मा रु.१०,०१,६३०।– (अक्षरूपी दश लाख एक हजार छ सय तीस रुपैया) फेला परेकोले निजलाई पक्राउ गरेको जिल्ला प्रहरी कार्यालय सिरहाले जनाएको छ।
पक्राउ परेका साहलाई इलाका प्रहरी कार्यालय लहान, सिरहामा ल्याई आवश्यक अनुसन्धानको लागि राजस्व अनुसन्धान कार्यालय ईटहरी, सुनसरी पठाईएको जिल्ला प्रहरी कार्यालय सिरहाले जनाएको छ।
© 2025 All right reserved to Nayasadak.com | Site By : Sobij
