Aug 12 2025 | २०८२, साउन २७गते
काठमाडौं । नेपाली सेनाले काठमाडौं तराई मधेश द्रुतमार्गको निर्माण अबको दुई वर्ष भित्र सकिसक्ने प्रतिबद्धता व्यक्त गरेको छ ।प्रधानसेनापति प्रभुराम शर्माले काठमाडौं–तराई मधेश द्रुतमार्गको निर्माणकार्य ३६ प्रतिशत पूरा भएको जनाउँदै आगामी २०८३ सालभित्र द्रुतमार्ग निर्माण सम्पन्न गर्ने घोषणा गरेका हुन् ।
आज बिहान धेद्रेस्थित सुरुङ मार्ग ब्रेक थ्रुको अवसारमा आयोजित कार्यक्रममा प्रधानसेनापति शर्माले तोकिएको अवधिमा आयोजनाको काम सक्ने बताए ।यो आयोजनाको मुख्य चुनौती सुरुङ निर्माण भएको र त्यो काममा सफलता प्राप्त भइसकेकाले अब बाँकी काम पनि निर्धारित समयमै सकिने प्रधानसेनापति शर्माले प्रष्ट्याए ।हामी आफैं यस्ता संरचना बनाउन सक्छौ भन्ने यो सन्देश यसले दिएको उनले जनाए ।
ललितपुरको बुङ्मती र खोकनामा जग्गा अधिग्रहणको काम राजनीतिले बिगारेको भन्दै शर्माले त्यो राजनीतिबाट सपारिने विश्वास व्यक्त गरे । यो क्षेत्रबाहेक अन्य क्षेत्रमा जग्गा व्यवस्थापनको काम सकिइसकिएको उनले जनाए ।
© 2025 All right reserved to Nayasadak.com | Site By : Sobij
