May 01 2025 | २०८२, वैशाख १९गते
काठमाडौं। प्रहरील पोखराको सूर्यदर्शन बचत तथा ऋण सहकारी संस्था ठगी प्रकरणमा फरार रहेका एक जनालाई पक्राउ गरेको छ। जिल्ला प्रहरी कार्यालय कास्कीले पर्साको वीरगंज महानगरपालिका घर भएका ४८ वर्षीय अनुज नकर्मीलाई पक्राउ गरेको हो।गत शुक्रबार काठमाडौंको दक्षिणकालीबाट पक्राउ गरिएको नकर्मीलाई आइतबार जिल्ला अदातल कास्कीमा उपस्थित गराएको प्रहरीले जनाएको छ।
अनुसन्धानपछि तयार गरिएको प्रतिवेदनअनुसार १ अर्ब ३५ करोड ५३ लाख ५४ हजार रुपैयाँ ठगी गरेको खुल्न आएको हो। गत साउन २२ गते उजुरी परेपछि प्रहरीले अनुसन्धान थालेको थियो।१ हजार ३६ जनाले आफू ठगिएको भन्दै प्रहरीमा उजुरी दिएका थिए। त्यतिखेर सहकारीका कोषाध्यक्ष कुमार रम्तेल मात्र पक्राउ परेका थिए।अध्यक्षसहित १९ जनालाई प्रतिवादी बनाइएको छ। सहकारी अध्यक्ष जीबी राईलाई प्रहरीले रेडकर्नर नोटिस जारी गरी खोजी गरिरहेको छ।
© 2025 All right reserved to Nayasadak.com | Site By : Sobij
