May 01 2025 | २०८२, वैशाख १९गते
काठमाडौँ । नेपाल बीमा प्राधिकरणले सम्पत्ति बीमा निर्देशन, २०८० संशोधन गरेको छ । प्राधिकरणले जलविद्युतको बीमामा आतंकवाद, हुलदंगा तथा द्वेषपूर्ण कार्यसम्बन्धी जाखिमको व्यवस्थालाई निर्देशन संशोधन गरी अनिवार्य गरेको हो ।
यसअघि निर्देशिकामा आतंकवाद, हुलदंगा तथा द्वेषपूर्ण कार्यसम्बन्धी जाखिमको व्यवस्था बीमितका लागि ऐच्छिक भनी राखिएको थियो । जसको बीमाशुल्क ६ महिनासम्म ०.३० प्रति हजार र ६ महिनादेखि १ वर्षसम्म ०.५० प्रति हजार रुपैयाँ थियो ।
संशोधन पछि जलविद्युतको बीमा गर्दा आतंकवाद, हुलदंगा तथा द्वेषपूर्ण कार्यसम्बन्धी जाखिमको व्यवस्था बीमा कम्पनीले स्वतः गर्नुपर्ने भएको छ । त्यसका लागि जलविद्युतको सम्पत्ति बीमा अन्तर्गतको बीमाशुल्कमा नै समेटिएको हुन्छ ।
© 2025 All right reserved to Nayasadak.com | Site By : Sobij
