May 01 2025 | २०८२, वैशाख १९गते
काठमाडौँ । काठमाडौँ महानगरपालिका वडा न २२ मा रहेको एयरटेल बचत तथा ऋण सहकारी संस्था लिमिटेडले गरेका अवैधानिक हर्कत र गतिविधिको छानबिन हुने भएको छ ।नयाँ सडक डटकमले एयरटेलले गरेका गलत क्रियाकलापको विषय लगातार उठाउँदै आएको छ ।एयरटेल सहकारीले विभिन्न सरकारी निकायलाई प्रभावमा पारेर गरेका अवैधानिक गतिविधिको छानबिन हुने भएको हो ।
बागमती प्रदेशको सहकारी तथा गरिबी निवारण मन्त्रालयले एयरटेल बचत तथा ऋण सहकारी संस्थालाई एक पत्र लेख्दै फागुन २८ गते सम्पूर्ण कागजपत्र र विवरणसहित छलफलमा बोलाएको छ । एयरटेल सहकारीले गरेका अवैधानिक गतिविधिको विषयमा पीडितहरूले उजुरी दिएपछि र मिडियामा समाचार आएपछि अन्ततः मन्त्रालयको सहकारी महाशाखाले अध्यक्ष अशोक गोयल र सहकारीलाई छलफलमा बोलाएको हो ।
महाशाखासँग विगतमा भएको छलफललाई समेत दृष्टिगत गर्दै महाशाखाले एयरटेल सहकारीलाई फागुन १२ गते लेखेको पत्रमा भएको सहमति अनुसार समेत सहकारी संस्थाका सम्पूर्ण विवरण कागजपत्रहरू समेत लिएर उपस्थित हुन भनेको हो । एयरटेल सहकारीलाई महाशाखाले लेखेको पत्रमा सहकारी संस्थामा भएका ऋणीहरू, बचतकर्ताहरू, सुरुदेखिको बचत खाता, बचत मुद्दती, चल्ती , ऋणखाताको विवरण,ऋणीहरूसँगको सम्झौता, सोसम्झौतासँग सम्बन्धित कागजात र संस्थाले कायम गरेको ऋण रकम, ब्याज र हर्जानासहितको व्यक्तिगत विवरणसहित महाशाखामा उपस्थित हुन पत्र काटेको हो ।
हेर्नुहोस पत्र जस्ताको तस्तै
थप समाचार हेर्नुहोस्
एयरटेल सहकारीको आतंक, ४१ ऋणी सदस्यलाई मुद्दा, अग्रवाल बाबुछोरासहित आधा दर्जन सदस्य थुनामा
© 2025 All right reserved to Nayasadak.com | Site By : Sobij
