Sep 06 2025 | २०८२, भदौ २१गते
काठमाडौँ । तीनकुनेमा भएको प्रदर्शनको क्रममा भएको लुटपाटको घटनामा सत्ता साझेदार दल नेपाली कांग्रेसका नेताकै छोरा पनि रहेको संसदमा खुलेको छ ।
राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले गत चैत १५ गते काठमाडौंको तीनकुनेमा भएको प्रदर्शनको घटनामा सत्तारुढ दल नेपाली कांग्रेसका सहमहामन्त्रीकै छोरा पनि पक्राउ परेको दाबी गरेका हुन् ।
शुक्रबार प्रतिनिधिसभा बैठकमा पार्टीको तर्फबाट सम्बोधन गर्ने क्रममा अध्यक्ष लिङ्देनले भाटभटेनी सुपरमार्केटमा भएको लुटपाटमा सहमहामन्त्रीका छोरा पक्राउ परेको र प्रहरीले तुरुन्तै छाडिदिएको बताए ।
लिङ्देनले जनाए अनुसार त्यसको रेकर्ड समेत रहेको छ । उनले भने ‘हामीसँग रेकर्ड छ, गृहमन्त्रीज्यू । भाटभटेनीको लुटपाटमा तपाईंकै पार्टीको सहमहामन्त्रीको छोरा पक्राउ परेका छन् ।किन छाड्नुभयो तुरुन्तै ?’तर कुन नेताको नाम भने उनले खुलाएनन् ।
© 2025 All right reserved to Nayasadak.com | Site By : Sobij
