May 29 2025 | २०८२, जेठ १५गते
काठमाडौं । नेपाल राष्ट्र बैंकले बजारमा अत्यधिक तरलता व्यवस्थापन गर्न ८० अर्ब रुपैयाँ बराबरको निक्षेप संकलन उपकरण जारी गर्ने निर्णय गरेको छ। उक्त निक्षेप संकलनको बोलकबोल प्रक्रिया बुधबार, जेठ १४ गते दिउँसो ३ बजेसम्म हुनेछ।
केन्द्रीय बैंकका अनुसार, बैंक तथा वित्तीय संस्थाहरुको अत्यधिक तरलता चाप कम गर्न यो उपकरण २१ दिनका लागि प्रयोग गरिनेछ। निक्षेप संकलनको साँवा तथा ब्याज असार ४ गते भुक्तानी गरिनेछ भने यसको ब्याजदर बोलकबोल प्रक्रियाबाट निर्धारण हुनेछ।
बोलकबोलमा सहभागी संस्थाले न्यूनतम १० करोड रुपैयाँ र अधिकतम ५ करोडको अन्तरमा निःशेष भाग जाने गरी कुल निष्कासित रकम बराबरको आवेदन दिन सक्नेछन्।
© 2025 All right reserved to Nayasadak.com | Site By : Sobij
