Jul 21 2025 | २०८२, साउन ५गते
काठमाडौं ।फरार रहेका नेपाल राष्ट्र बैंकले व्यवस्थापन नियन्त्रणमा लिएको कर्णाली डेभलपमेन्ट बैंकका संस्थापक अध्यक्ष राजेन्द्रवीर राय पक्राउ परेका छन् ।बाँकेमा केन्द्रीय कार्यालय रहेको बाँके घर भएका उक्त बैंकका अध्यक्ष रायलाई पक्राउ गरिएको हो ।
नेपाल प्रहरीको केन्द्रीय अनुसन्धान व्यूरो (सीआईबी)का एसएसपी होबिन्द्र बोगटीले उनलाई नेपाल–भारत सिमानाको बेलहीया नाकाबाट शनिबार पक्राउ गरेको जानकारी खुलाएका हुन् ।सीआईबीका अनुसार उनलाई म्याद थपका लागि बाँके लगिँदै छ ।राय २०७६ देखि २०७९सम्म बैंकको सीईओका रुपमा कार्यरत थिए । यो बैंक २०६० सालमा खुलेको थियो ।
रायमाथि ४ अर्ब ९० करोड रुपैयाँ अपचलन गरेको आरोप रहेको छ । बैंकमा भएको अपचलनको अनुसन्धान प्रक्रिया अघि बढेपछि उनी फरार भएका थिए ।रकम अपचलनमा बैंकका पूर्वसीईओ दिनेशकुमार रावत, वित्त विभाग प्रमुख बेदप्रकाश ठकुरी र निरजविक्रम शाह समेत संलग्न रहेको बैंकको आन्तरिक छानबिनबाट खुलेको थियो । हाल कर्णाली डेभलपमेन्ट बैंकको व्यवस्थापन राष्ट्र बैंकको नियन्त्रणमा छ ।
© 2025 All right reserved to Nayasadak.com | Site By : Sobij
