Jul 08 2025 | २०८२, असार २४गते
काठमाडौं । नेपाल धितोपत्र बोर्डले वैदेशिक रोजगारीमा रहेका नेपाली नागरिकहरूका लागि आइपीओमा आवेदन दिने अवधि घटाएको छ। बोर्डले धितोपत्र निष्काशन तथा बाँडफाँडसम्बन्धी नवौं संशोधन निर्देशिका, २०८२ लागू गर्दै अबदेखि न्यूनतम ४ दिनमै आवेदन अवधि सकिने व्यवस्था गरेको हो।
नयाँ संशोधनअनुसार, साउन १ गतेदेखि लागू हुने यो व्यवस्था अन्तर्गत वैदेशिक रोजगारीमा रहेका नेपालीहरूले ४ दिनभित्र आइपीओमा आवेदन दिनुपर्नेछ। यद्यपि, सो समयमा सबै सेयर बिक्री नभएमा आवेदन अवधि अधिकतम १५ दिनसम्म लम्ब्याउन सकिनेछ।
यसअघि वैदेशिक रोजगारीमा रहेका नेपालीहरूलाई १५ दिनसम्म आवेदन दिन पाइने व्यवस्था थियो।
© 2025 All right reserved to Nayasadak.com | Site By : Sobij
