Aug 24 2025 | २०८२, भदौ ८गते
काठमाडौँ ।रूसको एक यात्रुवाहक विमान चीनको सीमा नजिक दुर्घटना भएको छ । सो विमान दुर्घटनामा सवार ४९ जनाको मृत्त्यु भएको अन्तर्राष्ट्रिय समाचार संस्थाहरूले जनाएका छन् । विमानमा ४३ यात्री ६ जना विमानका सदस्य रहेको छ । यात्रुहरूसँग ५ बालबालिका सामेल रहेका थिए ।
उद्धारकर्मीहरूले टिण्डाबाट करिब १६ किलोमीटर टाढा एक पहाडमा रूसी यात्रुवाहक विमानका भग्नावेश फेला परेको जनाइएको छ ।रोयटर्सका अनुसार यो विमान रूसको पूर्वी अमूर क्षेत्रमा उडिरहेको थियो । अमूरका गभर्नर वासिली ओरलोवले टेलिग्राामा सम्पर्कविहीन भएको विमान अंगारा एयरलान्सको रहेको जनाएका छन् ।
विमान खाबरोवस्क, ब्लागोवेशचेंस्क भएर टिण्डा गइरहेको उक्त विमान चीनको सीमा नजिकबाट हराएको थियो । टिण्डा पुग्न अघि विमान सम्पर्कविहीन हुन पुगेको जनाइएको छ ।
© 2025 All right reserved to Nayasadak.com | Site By : Sobij
