काठमाडौँ । अमेरिकाले मंगलबार भारतमाथि थप २५% आयात शुल्क लगाउने आधिकारिक सूचना जारी गरेको छ। भारतीय समयअनुसार यो कर भोलि, अगस्ट २७ बिहान ९ः३१ बजेदेखि लागू हुने भएको हो।

अमेरिकी राष्ट्रपति डोनाल्ड ट्रम्प ले यसअघि अगस्ट ६ मा भारतले रूसबाट तेल खरिद गरेको कारण जरिवाना स्वरूप यो कर घोषणा गरेका थिए। अगस्ट ७ देखि नै भारतमा २५% कर लागू भइसकेको थियो। नयाँ निर्णयसँगै अब अमेरिकामा निर्यात हुने भारतीय सामानमा कुल कर ५०% सम्म पुग्नेछ।

मंगलबार जारी आदेशमा उल्लेख छ— “सूचीमा समावेश गरिएका सामानहरू भारतबाट अमेरिका भित्र्याइए वा गोदामबाट बाहिर निकालिँदा नयाँ कर लागू हुनेछ।”

उद्योगमा पर्ने प्रभाव

• गहना, कपडा, अटोमोबाइल र समुद्री खाना उद्योग सबैभन्दा बढी प्रभावित हुने सम्भावना।

• कर नघटाइए वा सम्झौता नहुँदा ४८.२ अर्ब डलर बराबरको निर्यातमा प्रत्यक्ष असर पर्ने विज्ञहरूको अनुमान।

• आईटी, औषधि र इलेक्ट्रोनिक्स क्षेत्र भने प्रभावित नहुने बताइएको छ।

आम मानिसमा असर

• निर्यात घट्दा उत्पादनमा कमी आउन सक्ने, जसका कारण रोजगारी गुम्ने खतरा।

• गहना, कपडा, मेसिनरी र रसायन क्षेत्रका कामदारहरू सबैभन्दा बढी जोखिममा।

अर्थतन्त्रमा असर

• निर्यात घट्दा सरकारको आम्दानी र जीडीपी वृद्धि दरमा गिरावट।

• विज्ञहरूले भारतको जीडीपी वृद्धिमा ०.२% देखि ०.६% सम्म कमी आउन सक्ने अनुमान गरेका छन्।

• सरकारलाई नयाँ व्यापार नीति र रणनीति बनाउनुपर्ने अवस्था आउन सक्नेछ।

अन्तर्राष्ट्रिय व्यापारमा प्रभाव

• अमेरिका बाहेकका ५० देशसँग नयाँ निर्यात रणनीति तयार।

• चीन, मध्यपूर्व, अफ्रिका, युरोप लगायतका बजारतर्फ निर्यात विस्तार गर्ने तयारी।

• भारतले आइसल्याण्ड, नर्वे, स्विजरल्याण्डलगायतसँग स्वतन्त्र व्यापार सम्झौता गरिसकेको छ, बेलायतसँगको सम्झौता अर्को वर्ष लागू हुने सम्भावना।

पृष्ठभूमि : रूसी तेल खरिद

• भारत हाल चीनपछि रूसबाट तेल खरिद गर्ने दोस्रो ठूलो देश हो।

• २०२३ मे सम्ममा रूसी तेल आयात ०.२% बाट बढेर ४५% पुगेको थियो।

• पछिल्ला दुई वर्षमा भारतले १३० अर्ब डलरभन्दा बढी मूल्यको रूसी तेल खरिद गरेको छ।

• यही कारण अमेरिकाले थप कर लगाएको बताइएको छ।