Oct 23 2025 | २०८२, कात्तिक ६गते
भद्रपुर। चालु आर्थिक वर्षको पहिलो महिनामै काँकडभिट्टाबाट रु एक अर्ब ५० करोड १३ लाख ६५ हजार बराबरको पेट्रोलियम पदार्थ आयात भएको छ।
मेची भन्सार कार्यालयका सूचना अधिकारी ईश्वरकुमार हुमागाईंका अनुसार, यो रकम अघिल्लो वर्षको सोही अवधिको तुलनामा रु पाँच करोड २२ लाख (३.६० प्रतिशत) ले बढी हो। आयातसँगै पेट्रोलियम पदार्थबाट प्राप्त राजस्व पनि ११.८० प्रतिशत अर्थात् रु सात करोड ९१ लाख ५३ हजारले बढेर रु ७४ करोड ८३ लाख ३२ हजार पुगेको छ।
आयात विवरणअनुसार,
पेट्रोल : रु ७७ करोड ३ लाख बराबर, ८ हजार ९०४ किलोलिटर
डिजेल : रु ४४ करोड ११ लाख बराबर, ४ हजार ६७६ किलोलिटर
एलपी ग्यास : रु २० करोड ३ लाख बराबर, १ हजार ९३३ मेट्रिक टन
एटीएफ (विमान इन्धन) : रु ७ करोड ३ लाख बराबर, ७९२ किलोलिटर
मट्टितेल : रु १ करोड १३ लाख बराबर, १२८ किलोलिटर
यसरी, आयात र राजस्व दुवैमा वृद्धि हुँदै चालु आर्थिक वर्षको सुरुवातमै पेट्रोलियम पदार्थले भन्सार राजस्वमा महत्वपूर्ण योगदान पुर्याएको देखिएको छ।
© 2025 All right reserved to Nayasadak.com | Site By : Sobij
