Oct 14 2025 | २०८२, असोज २८गते
काठमाडौ चालु आर्थिक वर्षको दुई महिनामा जीवन बीमा कम्पनीहरूको व्यवसाय करिब सवा ३५ अर्ब भएको देखिएको छ ।चालु आव २०८१/८२ को भदौ महिनासम्ममा जीवन बीमा कम्पनीहरूले ३५ अर्ब २४ करोडभन्दा बढीको व्यवसाय भित्र्याएका हुन् ।
नेपाल बीमा प्राधिकरणले आज शुक्रबार सार्वजनिक गरेको तथ्यांकअनुसार सञ्चालनमा रहेका १४ जीवन बीमा कम्पनीहरूले दुई महिनाको अवधिमा ३५ अर्ब २४ करोड ९७ लाख रुपैयाँ बराबरको कुल बीमा शुल्क संकलन गरेका हुन्। जीवन बीमा कम्पनीहरूले भदौ महिनामा १५ अर्ब ५९ करोड ६३ लाख रुपैयाँको बीमा शुल्क आर्जन गरेका छन्।
तथ्यांक अनुसार नेपाल लाइफ इन्स्योरेन्स दुई महिनाको अवधिमा सबैभन्दा धेरै व्यवसाय आर्जन बीमा कम्पनी हो । उक्त कम्पनीले भदौसम्ममा ९ अर्ब ६८ करोड ३२ लाख रुपैयाँ बीमा शुल्क संकलन गरेको छ । धेरै व्यवसाय गर्ने दोस्रो ठुलो कम्पनी नेशनल लाइफ इन्स्योरेन्स छ । नेशनल लाइफले दुई महिनाको अवधिमा ३ अर्ब ९८ करोड २७ लाख रुपैयाँको बीमा शुल्क आर्जन गरेको छ ।धेरै व्यवसाय आर्जन गर्ने तेस्रो कम्पनी एलआईसी नेपालले ३ अर्ब ३९ करोड ४२ लाख रुपैयाँ बीमा शुल्क संकलन गरेको छ ।
दुई महिनामा हिमालयन लाइफ इन्स्योरेन्सले ३ अर्ब १७ करोड २३ लाख रुपैयाँ, सूर्यज्योति लाइफले २ अर्ब १ करोड ५२ लाख रुपैयाँ, सिटिजन लाइफले १ अर्ब ५० करोड १३ लाख रुपैयाँ, एशियन लाइफले १ अर्ब ४८ करोड ४२ लाख रुपैयाँ, सानिमा रिलायन्स लाइफले १ अर्ब २० करोड ४२ लाख रुपैयाँ कुल बीमाशुल्क संकलन गरेका छन् ।
यसैगरी आइएमई लाइफले १ अर्ब ८ करोड रुपैयाँ, मेट लाइफले १ अर्ब ५ करोड रुपैयाँ, रिलायबल नेपाल लाइफले १ अर्ब १ करोड रुपैयाँ, प्रभु महालक्ष्मी लाइफले ९६ करोड ९८ लाख रुपैयाँ, राष्ट्रिय जीवन बीमा ४ अर्ब ८० करोड ३ लाख रुपैयाँ र सन नेपाल लाइफले ६० करोड ६६ लाख रुपैयाँ कुल बीमाशुल्क संकलन गरेका छन्।
© 2025 All right reserved to Nayasadak.com | Site By : Sobij
