राप्ती स्वास्थ्य विज्ञान प्रतिष्ठान घोराहीकी तत्कालीन उपकुलपति प्राडा. संगीता भण्डारीसहित १३ जनाविरुद्ध विशेष अदालतमा भ्रष्टाचार मुद्दा दायर

नयाँ सडक
बिहीबार , असोज २३ २०८२

काठमाडौँ । राप्ती स्वास्थ्य विज्ञान प्रतिष्ठान घोराहीकी तत्कालीन उपकुलपति प्राडा. संगीता भण्डारीसहित १३ जनाविरुद्ध विशेष अदालतमा भ्रष्टाचार मुद्दा दायर गरिएको छ ।अख्तियार दुरुपयोग अनुसन्धान आयोगले प्रतिवादीहरूलाई कम गुणस्तरको एमआरआई मेसिन खरिद प्रक्रियामा अनियमितता गरी सरकारी कोषलाई १२ करोड ७ लाख रुपैयाँभन्दा बढी क्षति पुर्याएको आरोपसहितको सो मुद्दा दायर गरेको हो ।

उपकुलपति भण्डारीसँगै तत्कालीन कार्यवाहक रजिस्ट्रार झन्कार लामिछाने, फाइनान्स म्यानेजर कैलाश प्रसाद देव, बायोमेडिकल इन्जिनियर शरद भण्डारी, त्रिवि शिक्षण अस्पताल महाराजगञ्जका बायोमेडिकल इन्जिनियर अमितकुमार चौधरी लगायत अन्य ८ जनालाई पनि संलग्न देखाइ आयोगले मुद्दा दायर गरेको छ ।

अख्तियारका अनुसार प्रतिष्ठानले एमआरआई मेसिन खरिद गर्दा मापदण्डविपरीत प्रक्रिया अपनाएर मूल्य र गुणस्तर दुवैमा अनियमितता गरेको पाइएको हो । यसका कारण राज्यकोषलाई करोडौंको नोक्सानी भएको आयोगको दाबी छ ।आयोगले उनीहरूविरुद्ध भ्रष्टाचार निवारण ऐन अनुसार कैद सजाय, बिगो र जरिवाना मागदाबी गर्दै विशेष अदालतमा मुद्दा दायर गरेको हो ।

प्रतिक्रिया दिनुहोस

ताजा अपडेट

१

यस्तो छ सागसब्जी र फलफूलको थोक मूल्य

२

आजको लागि यस्तो छ विदेशी मुद्राको विनिमयदर

३

राती नौ बजेपछि देउसीभैली नखेल्न प्रशासनको आग्रह

४

आज देशभरको मौसम मुख्यतया सफा रहने

५

तिहार बिदामा पनि बैंकिङ सेवा दिन राष्ट्र बैङ्कको आग्रह

१

यस्तो छ सागसब्जी र फलफूलको थोक मूल्य

२

आजको लागि यस्तो छ विदेशी मुद्राको विनिमयदर

३

राती नौ बजेपछि देउसीभैली नखेल्न प्रशासनको आग्रह

४

आज देशभरको मौसम मुख्यतया सफा रहने

५

तिहार बिदामा पनि बैंकिङ सेवा दिन राष्ट्र बैङ्कको आग्रह

सर्च खोज्नुहोस्