May 09 2025 | २०८२, वैशाख २७गते

May 09 2025 | २०८२, वैशाख २७गते

वित्तीय सुशासन कायम गर्न क्षमता अभिवृद्धि

वित्तीय सुशासन कायम गर्न क्षमता अभिवृद्धि

नयाँ सडक
आइतबार, माघ १४ २०८०

वित्तीय सुशासन कायम गर्न क्षमता अभिवृद्धि

खजुरा (बाँके)। नेपालगञ्ज उपमहानगरपालिकाले सहकारीमा वित्तीय सुशासन कायम गर्ने उद्देश्यले सहकारी लेखापालन तालिम दिएको छ । नेपालगञ्ज उपमहानगरपालिकाको सहकारी शाखाद्वारा सातदिने तालिम दिइएको हो ।

नेपालगञ्ज उपमहानगरपालिकाको नियमन क्षेत्रभित्रका ४० वटा सहकारीका ४० जना लेखा कर्मचारीलाई तालिम प्रदान गरिएको सहकारी शाखा प्रमुख प्रवीण रानाले बताए । आज यहाँ तालिमको समापन कार्यक्रममा नेपालगञ्ज उपमहानगरपालिकाका प्रमुख प्रशासकीय अधिकृत ओमबहादुर खड्काले आर्थिक कारोबारमा अभिलेख चुस्तदुरुस्त हुनुपर्ने भन्दै राम्रो काम गर्नेलाई सम्मान र हिनामिनासहितको गलत गर्नेलाई कारबाहीको दायरामा ल्याइने बताए ।

उनले सहकारी सुधारका लागि अनुगमनलाई प्रभावकारी बनाइने जानकारी गराए । उपमहानगरपालिकाका आर्थिक विकास समिति संयोजक गोपाल पुनले सहकारीको लेखा पाटोलाई व्यवस्थित बनाउन तालिम लाभदायी हुने विश्वास व्यक्त गर्दै तालिमले आत्मबल बढाउने बताए ।

पुनले सहकारी राज्यको अर्थतन्त्रको महत्वपूर्ण खम्बा भएकाले यसप्रति जनविश्वास बढ्ने गरी काम गर्न जरुरी रहेकामा जोड दिए । जिल्ला सहकारी सङ्घका प्रबन्ध सञ्चालक एवं तालिमका प्रशिक्षक नवराज उपाध्यायले संस्थागत सुशासनका लागि सञ्चालित तालिम महत्वपूर्ण कदम भएको बताए ।

त्यसअवसरमा प्रशिक्षार्थी श्रीराम पाल र चन्द्रा आचार्यले तालिम फलदायी भएको बताउँदै लेखा चुस्तदुरुस्त राख्न अझ सहज हुने सुनाए । सहकारीको वित्तीय सुशासन कायम गर्ने, पछिल्लो समय गुम्दै गएको सहकारीप्रतिको विश्वास पुनःजागृत गर्ने, लेखा व्यवस्थित राख्न सहयोग गर्ने तथा नयाँ सहकारीलाई लेखा व्यवस्थापनसम्बन्धी आधारभूत ज्ञान प्रदान गर्ने उद्देश्यले तालिम आयोजना गरिएको सहकारी शाखा प्रमुख रानाले बताए ।

तालिममा उपमहानगरपालिकाका लेखा अधिकृत राजनकुमार केसी, सहकारी शाखा प्रमुख राना, जिल्ला सहकारी सङ्घ बाँकेका प्रबन्ध सञ्चालक उपाध्याय नेफ्स्कुन बाँकेका कार्यालय प्रमुख छत्रप्रसाद धमलाले प्रशिक्षण दिएका थिए । (रासस)

प्रतिक्रिया दिनुहोस

images

ताजा अपडेट

अनुसन्धानात्मक प्रकाशन समूह प्रा. लि.
काठमाण्डौ नेपाल
फोन नम्बर: ०१-४२३९५५०
इमेल : [email protected]
[email protected]
सुचना विभाग दर्ता नम्बर: ४९९ / ०७४-७५

सम्पादक : ज्ञान प्रसाद पौडेल
प्रबन्ध निर्देशक: रत्नमणि दाहाल
अमेरिका: पूर्ण सिंह बराईली

समाचारदाता: एस.एम. पौडेल
के.पि. पौडेल
देव गौतम

© 2025 All right reserved to Nayasadak.com | Site By : Sobij