Nov 10 2025 | २०८२, कात्तिक २४गते
काठमाडौं । एनआइसी एसिया बैँकको लोगोसहितको कागज (ट्याग) प्रयोग भएको करिब दुई करोड बराबरको नक्कली नोट भेटिएको छ ।
ट्राफिक प्रहरीले पश्चिमबाट पूर्वतर्फ आउँदै गरेको भारतीय नागरिक साफीले चलाएको भारतीय स्कोरपियोमा कालो ब्यागभित्र सेतो बोरामा राखिएको १००० दरका १८ हजार २५१ थान नक्कली नेपाली नोट सोमबार बरामद गरेको हो । त्यो एक करोड ८२ लाख ५१ हजार रुपियाँ बराबर रहेको जानकारी प्रहरीले दिएको छ ।
बरामद गरिएको नक्कली नोटको बण्डलमा एनआइसी बैँकको लोगोसहितको कागजले ¥याप गरेको देखिएको छ ।
एनआइसी एसिया बैँकको लोगोसहितको कागज हुँदा उक्त रकम एनआइसी एसिया बैँकबाट बाहिर गएको हो कि भन्ने आशंका गरिएको छ । तर, प्रयोग भएको कागज सक्कली नभई नक्कली रहेको एनआइसी एसिया बैँक इनरुवा शाखाले जनाएको छ ।
यति ठूलो परिमाणमा बैंकबाट नक्कली नोटहरु बाहिर जानसक्ने कुनै आधार नै नभएकाले यो बैंकलाई बदनाम गराउने फण्डा मात्र भएको इनरुवा शाखाको भनाइ छ ।
सोमबार जिल्ला प्रहरी कार्यालय सुनसरीमा पत्रकार सम्मेलन गरी बरामद भएको नक्कली नेपाली नोट, भारतीय गाडी र भारतीय नागरिक साफीलाई प्रहरीले सार्वजनिक ग¥यो ।
© 2025 All right reserved to Nayasadak.com | Site By : Sobij
