Sep 13 2025 | २०८२, भदौ २८गते
काठमाडौं । बैतडी जिल्लाको झौलेकमा शुक्रबार बिहान ट्र्याक्टर दुर्घटना हुँदा दुई जनाको घटनास्थलमै मृत्यु प्रहरीले जनाएको छ । बैतडीको सुर्नयाबाट खोड्पे जाँदै गरेको से२त ३६७८ नम्बरको ट्र्याक्टर जयपृथ्वी राजमार्गको पाटन नगरपालिका– ८ झौलेक मोडमा दुर्घटना भएको हो ।
बैतडी जिल्ला प्रहरी कार्यालयका प्रहरी निरीक्षक खेमविक्रम केसीले जानकारी सार्वजनिक गरे अनुसार दुर्घटनामा दुई जनाको मृत्यु भएको छ । परिचय नखुलेका ट्र्याक्टर चालक र त्यसमा सवार राजेश चौधरीको मृत्यु भएको हो ।
दुर्घटनाग्रस्त ट्र्याक्टर सडकबाट दुई सय मिटर तल खसेको छ । दुर्घटनाको कारण बारे प्रहरीको अनुसन्धान जारी रहको छ ।
© 2025 All right reserved to Nayasadak.com | Site By : Sobij
