May 01 2025 | २०८२, वैशाख १९गते
काठमाडौं । अख्तियार दुरुपयोग अनुसन्धान आयोग पोखराको टोलीले पोखरा महानगरपालिकाबाट घर निर्माण सम्पन्नको प्रमाणपत्र दिने क्रममा इन्जिनियरले घुस लिएको प्रकरणमा थप एक जना इन्जिनियरलाई पक्राउ गरेको छ । पोखराको अख्तियार टोलीले पोखरा महानगरका घरनक्सा शाखाका इन्जिनियर शिवराज बराललाई मंगलबार पक्राउ गरेको हो ।
गत चैत २८ गते घर निर्माणको घर नक्सा प्रमाणपत्र दिने क्रममा सब इन्जिनियर उषाकिरण रोकाया र गोदार इन्जिनियरिङ कन्सल्टेन्सी सेवाका सुरज कुँवरलाई अख्तियारले पक्राउ गरेको थियो । उनीहरुलाई १ लाख ५० हजार रुपैयाँ घुससहित रंगेहात पक्राउ गरिएको थियो ।
© 2025 All right reserved to Nayasadak.com | Site By : Sobij
