Nov 06 2025 | २०८२, कात्तिक २०गते
काठमाडौं । काठमाडौंको दरबार मार्गस्थित क्यासिनो प्यालेसमा राजस्व अनुसन्धान विभागले छापा मारेको छ ।विभागले छापामारी एक करोड पाँच लाख भन्दा बढी रकम र कागजपत्र नियन्त्रणमा लिएको हो ।
यसक्रममा विभागले क्यासिनोको सेफ , लकर र केही डिभाइससमेत नियन्त्रणमा लिएको राजस्व अनुसन्धान स्रोतले जनाएको छ । विनय शाहलगायतले सञ्चालन गरेको उक्त क्यासिनोमा अवैध विदेशी मुद्राको कारोबार तथा राजस्व चुहावट भएको आशंकामा राजस्वले छापा हानेको विभाग स्रोतले बताएको छ ।
राजस्व चुहावट नियन्त्रणमा आक्रामक बनेको अनुसन्धान विभागले पछिल्लो समय रक्सी करोबार, कपडा, कबाडीलगायतका कारोबार गर्ने स्थलहरूमा छापामारी गरी अनुसन्धान गरिरहेको छ । भन्सार छली र न्यून बीजकीकरणलाई नियन्त्रण गर्न विभागले भन्सारबाट छुटेका मालवाहक सवारी साधनको समेत अनुसन्धान तीव्र बनाएको छ ।
© 2025 All right reserved to Nayasadak.com | Site By : Sobij
