Mar 17 2025 | २०८१, चैत ४गते
काठमाडौं । राजस्व अनुसन्धान विभागले पछिल्लो समयमा गरेको अवाञ्छनीय गतिविधि विरुद्ध प्रधानमन्त्री तथा मन्त्रिपरिषद्को कार्यालय एक्सनमा उत्रिएको छ ।राजस्व अनुसन्धान विभागको कमाण्ड चक्रबहादुर बुढाले सम्हालेयता एक पछि अर्को गर्दै राजस्व अनुसन्धान विभाग बदनियत हुन गएपछि प्रधानमन्त्री र प्रधानमन्त्री कार्यालयले त्यसको सूक्ष्मढंगले छानबिन गर्न राष्ट्रिय अनुसन्धान विभागलाई पत्र पठाएको हो ।
राजस्व अनुसन्धान विभागमा चक्रबहादुर बुढा आएपछि सिंगो व्यापारिक क्षेत्र त्रसित हुने गरी विभिन्न गतिविधिहरू सञ्चालन भइरहेको समाचार सञ्चार माध्यममा सार्वजनिक भएपछि अन्ततः प्रधानमन्त्री कार्यालयले ,विभाग र त्यसअन्तर्गत कार्यरत कर्मचारीहरूले गरेका काम कारबाही , अनुसन्धानका क्रममा छापा हानिएका व्यापारिक फर्महरूमाथि मिहिन ढंगले अनुसन्धान गर्न राष्ट्रिय अनुसन्धान विभागलाई सो पत्र पठाएको हो ।
पत्र आजै राष्ट्रिय अनुसन्धान विभागमा पुगेको स्रोतले बताएको छ । पत्र प्राप्त भएपछि राष्ट्रिय अनुसन्धान विभागले आजैबाट मिहिनढंगले काम सुरु गर्ने बताइएको छ ।यता प्रधानमन्त्री कार्यालयले राजस्व अनुसन्धान विभागका महानिर्देशक चक्रबहादुर बुढालाई स्पष्टीकरण सोधेको छ । कार्यालयले बुढालाई के कति कारणले यस्तो भएको हो जानकारी दिन भनेको छ । यससम्बन्धमा राजस्व अनुसन्धान विभागका महानिर्देशक चक्रबहादुर बुढालाई सम्पर्क गर्न खोज्दा सम्पर्क हुन सकेन् ।नयाँ सडकले यसअघि नै राजस्व अनुसन्धान विभागमा भइरहेको क्रियाकलापबारे विभिन्न शीर्षकमा समाचार प्रकाशन गरेको थियो ।
सम्बन्धित समाचारहरू पढ्न यहाँ क्लिक गर्नुहोस्
राजस्व अनुसन्धान विभागद्वारा विराटनगरको स्वस्तिक फ्लोर मिल्समा छापा , करोडौँ रकम कर छलीको आशंका
© 2025 All right reserved to Nayasadak.com | Site By : Sobij
