Nov 08 2025 | २०८२, कात्तिक २२गते
काठमाडौं । सरकारले असारको २५ दिनमा कुल खर्च साढे १३ अर्ब बढी गरेको छ । असार महिनाको २५ दिनमा पौने २ खर्ब रुपैयाँ बजेट खर्च गरेको हो ।
२५ असार बिहानसम्मको तथ्यांक अनुसार सरकारले १३ खर्ब ५६ अर्ब २१ करोड रुपैयाँ बजेट खर्च गरेको छ ।१ असारका दिन ११ खर्ब ८१ अर्ब २९ करोड खर्च भएकोमा बाँकी २५ दिनमा सरकारले १ खर्ब ७४ अर्ब ९२ करोड रुपैयाँ खर्च गरेको छ ।
सरकारले यस वर्ष १७ खर्ब ५१ अर्ब रुपैयाँको बजेट खर्च गर्ने गरी ल्याएको थियो । मंगलबार बिहानसम्मको तथ्यांक अनुसार सरकारले कुल लक्ष्यको ७७.४४ प्रतिशत बजेट खर्च गरेको देखिन्छ ।
२३ असारका दिन १२ खर्ब ९८ अर्ब रहेको सरकारी खर्च २४ असारमा १३ खर्ब २२ अर्ब पुगेको छ । २५ असार अर्थात् मंगलबार बिहानसम्म भने १३ खर्ब ५६ अर्ब रुपैयाँ खर्च पुगिसकेको छ । यसआधारमा सरकारले सोमबार एकै दिन ठूलो भुक्तानी गरेको देखिन्छ ।
© 2025 All right reserved to Nayasadak.com | Site By : Sobij
