May 20 2025 | २०८२, जेठ ६गते
काठमाडौं । एनआइसी एसिया बैंकले चैत २५ गतेदेखि आफ्नो नयाँ १० वर्षे ऋणपत्र ‘७ एआइसी एसिया डिबेन्चर २०९१’ बिक्री गर्न सुरु गर्ने भएको छ। बैंकले कुल ५० लाख इकाई ऋणपत्र जारी गर्ने तयारी गरेको छ, जसको मूल्य प्रतिइकाई १ हजार रुपैयाँ राखिएको छ।
यस ऋणपत्रको ४० प्रतिशत, अर्थात २० लाख इकाई, सर्वसाधारणलाई उपलब्ध गराइनेछ, जबकि ६० प्रतिशत, अर्थात ३० लाख इकाई, प्राइभेट प्लेसमेन्टमार्फत बिक्री गरिनेछ। सर्वसाधारणका लागि छुट्याइएको इकाईमा ५ प्रतिशत, अर्थात १ लाख इकाई, म्युचुअल फन्डलाई प्रदान गरिनेछ।
बैंकले यस ऋणपत्रमा ७ प्रतिशत वार्षिक ब्याज दरको सुविधा उपलब्ध गराउने जानकारी दिएको छ। लगानीकर्ताले न्यूनतम २५ इकाईदेखि अधिकतम २५ लाख इकाईसम्म आवेदन दिन सक्नेछन्। आवेदन प्रक्रिया चैत २८ गतेसम्म खुला रहनेछ, तर यदि सबै इकाई बिक्री नभएमा वैशाख ८ गतेसम्म आवेदन दिन सकिनेछ।
निवेशकर्ताले आस्बा सदस्य बैंक तथा वित्तीय संस्थाहरू र मेरो सेयरमार्फत आवेदन दिन सक्नेछन्। प्रभु क्यापिटल लिमिटेड यस ऋणपत्रको बिक्री प्रबन्धकको रूपमा संलग्न छ।
क्रेडिट रेटिङ एजेन्सी इन्फोमेरिक्स क्रेडिट रेटिङ नेपालले एनआइसी एसिया बैंकलाई ुमध्यम सुरक्षितु र ुट्रिपल बी प्लसु रेटिङ प्रदान गरेको छ, जसले यसको वित्तीय दायित्व पूरा गर्ने क्षमता राम्रो रहेको संकेत गर्दछ।
© 2025 All right reserved to Nayasadak.com | Site By : Sobij
