Nov 02 2025 | २०८२, कात्तिक १६गते
काठमाडौँ । उद्योग, वाणिज्य तथा आपूर्ति मन्त्रालयअन्तर्गत वाणिज्य, आपूर्ति तथा उपभोक्ता संरक्षण विभागले एक जुत्ता बनाउने कम्पनीलाई दुई लाख जरिवाना गरेको छ । साथै अन्य अनुगमन गरिएका कम्पनीहरूलाई विभिन्न किसिमको कारबाही गरिएको छ ।
विभागले बिहीबार अनुगमनबारे जानकारी गराएको विज्ञप्ति अनुसार कागजातसहित उपस्थित हुन निर्देशन दिइएका कम्पनीहरूमा युनाइटेड वायर एण्ड केबल इण्डस्ट्रिज प्रालि सगरपुर ४ चितवन,ऊा राधा ट्रेडर्स काठमाडौँ महानगरपालिका वडा न ११ , सुन्धारा,अन्नपूर्ण केबल्स इण्डस्ट्रिज प्रालि विराटनगर महानगरपालिका वडा न ७ मोरङ, प्राइम केबल इण्डसिट्रज प्रालि काठमाडौा महानगरपालिका वडा न ११ सुन्धारा,मेशिनरी एण्ड इलेक्ट्रिक प्रालि काठमाडौँ महानगरपालिका वडा न ११, सुन्धारा र प्रसान्त ट्रेड लिंक काठमाडौँ महानरपालिका वडा न ११ भोटेबहाल रहेका छन् । बिक्री वितरणमा रोक समेत लगाइएकाहरूमा प्रशान्त ट्रेड लिंक रहेका छन् । साथै विभागले एसटीसी प्रालि चनपा १५ तिनथानाको कारोबार खुला गरी सामान्य निर्देशन दिइएको जनाइएको छ ।
एमआरपी नराख्ने कम्पनीहरूको कारोबार रोक्का गरी खेको पाएपछि चार तार उद्योगको कारोबार रोक्का गरेको छ ।विभागले उपभोक्ता संरक्षण ऐन २०७५ तथा उपभोक्ता संरक्षण नियमावली २०७६ बमोजिम आवश्यक निर्देशन तथा कारबाही गरिएको जानकारी बिहीबार जारी विज्ञप्तिमा जनाएको छ ।
विभागले बिहीबार गरेको अनुगमनका क्रममा चार तार उद्योगले एमआरपी नराखेको भन्दै उनीहरुको कारोबार रोक्का गरेको उद्योग, वाणिज्य तथा आपूर्ति मन्त्रालयले जनाएको छ । मन्त्रालयका अनुसार चैत महिनामा एक सय ५० उद्योगको अनुगमन गर्ने क्रममा २० वटाभन्दा बढीको कारोबार रोक्का गरिएको छ ।
विभागले यसअघि एमआरपी राखी वस्तुको बिक्री वितरण गर्न भनेको थियो । सिमेन्टका बोरामा (एमआरपी) राख्नका लागि उद्योगीहरूले केही दिनको समय माग गरेकामा उक्त समय सकिन लागेको छ । सिमेन्टका बोरामा आउँदो वैशाख १ देखि (एमआरपी) राखिने मन्त्रालयले जनाएको छ ।
© 2025 All right reserved to Nayasadak.com | Site By : Sobij
