Jun 26 2025 | २०८२, असार १२गते
काठमाडौं । नेपाल वायुसेवा निगमले हालसम्म ७ अर्ब ३९ करोड ५ लाख ८ हजार ९५ रुपैयाँ ऋण भुक्तानी गरेको छ। निगमले अन्तर्राष्ट्रिय उडानका लागि खरिद गरिएका दुई न्यारोबडी र दुई वाइडबडी विमानका लागि कर्मचारी सञ्चय कोष तथा नागरिक लगानी कोषबाट लिएको ऋणमध्ये ठूलो हिस्सा चुक्ता गरिएको हो।
निगमका अनुसार चालु आर्थिक वर्षको चैत महिनामा दुई न्यारोबडी जहाजको किस्ता पूर्ण रूपमा र दुई वाइडबडी जहाजको आंशिक रुपमा गरी चैत ३१ गते मात्र ५३ करोड ९ लाख ५५ हजार २८१ रुपैयाँ भुक्तानी गरिएको छ। निगमले बिस्तारै आफ्नो ऋण दायित्व कम गर्दै लगेको जानकारी दिँदै आगामी दिनमा थप किस्ता नियमित रूपमा तिर्ने प्रतिबद्धता जनाएको छ।
© 2025 All right reserved to Nayasadak.com | Site By : Sobij
