Nov 10 2025 | २०८२, कात्तिक २४गते
काठमाडौं । मञ्जुश्री फाइनान्स लिमिटेडले चालु आर्थिक वर्ष २०८०/८१ को तेस्रो त्रैमासमा १७ करोड ११ लाख रुपैयाँ नाफा आर्जन गरेको छ, जुन अघिल्लो वर्षको सोही अवधिको तुलनामा १३।३३ प्रतिशतले बढी हो। अघिल्लो वर्षको तेस्रो त्रैमासमा कम्पनीले १५ करोड ९ लाख रुपैयाँ नाफा कमाएको थियो।
कम्पनीको खुद ब्याज आम्दानी पनि १३.८५ प्रतिशतले वृद्धि भई ६२ करोड ११ लाख रुपैयाँ पुगेको छ, जबकि गत वर्ष यो ५४ करोड ५५ लाख रुपैयाँ थियो।
हाल मञ्जुश्री फाइनान्सको चुक्ता पुँजी १ अर्ब ३५ करोड १५ लाख रुपैयाँ छ भने सञ्चित कोष (रिजर्भ) ७४ करोड ४३ लाख रुपैयाँ रहेको छ। यद्यपि, कम्पनीको गैर(संलग्न कर्जा अनुपात (एनपीएल) बढेर ४.२० प्रतिशत पुगेको छ, जुन जोखिमको संकेत मानिन्छ।
कम्पनीको वार्षिक प्रतिसेयर आम्दानी १६ रुपैयाँ ८८ पैसा पुगेको छ, जुन अघिल्लो वर्षको तुलनामा १ रुपैयाँ ९८ पैसाले बढी हो। त्यसैगरी, प्रतिसेयर नेटवर्थ १७० रुपैयाँ १५ पैसा रहेको छ।
© 2025 All right reserved to Nayasadak.com | Site By : Sobij
