Sep 10 2025 | २०८२, भदौ २५गते
काठमाडौं । सान्भि इनर्जी लिमिटेडले आयोजना प्रभावित स्थानीय तथा वैदेशिक रोजगारीमा रहेका नेपालीहरूका लागि खुला गरेको प्राथमिक शेयर आवेदनको आज (वैशाख १९ गते) अन्तिम दिन हो। कम्पनीले वैशाख ५ गतेदेखि आईपीओ बिक्री खुला गरेको थियो।
कम्पनीका अनुसार, मागभन्दा धेरै आवेदन परिसकेकाले आइतबार बैंकिङ समय समाप्तिसँगै आईपीओ बन्द गरिनेछ।
सान्भि इनर्जीले आफ्नो जारी पूँजी ८८ करोड रुपैयाँको १० प्रतिशत, अर्थात् ८ करोड ८० लाख रुपैयाँ बराबरको आईपीओ आयोजना प्रभावित इलाम जिल्लाका स्थानीयलाई खुला गरेको हो। उनीहरूले प्रतिकित्ता १०० रुपैयाँको दरले ८ लाख ८० हजार कित्ताका लागि आवेदन दिन पाउनेछन्। न्यूनतम १० कित्ता र अधिकतम २० हजार कित्तासम्म आवेदन दिन सकिने व्यवस्था छ।
त्यस्तै, श्रम स्वीकृति लिएर वैदेशिक रोजगारीमा रहेका नेपालीहरूका लागि पनि कम्पनीले २ लाख ९१ हजार कित्ताको आईपीओ खुला गरेको छ। उनीहरूका लागि न्यूनतम २० कित्ता र अधिकतम २० हजार कित्तासम्म आवेदन दिन सकिने व्यवस्था गरिएको छ।
यस आईपीओका लागि केयर रेटिङ्स नेपालले रेटिङ दिएको छ, जसले कम्पनीको समयमै दायित्व तिर्ने क्षमतामा औसत जोखिम रहेको संकेत गर्छ।
© 2025 All right reserved to Nayasadak.com | Site By : Sobij
