Nov 07 2025 | २०८२, कात्तिक २१गते
काठमाडौं । नेपाल धितोपत्र बोर्डले अध्यक्ष सन्तोषनारायण श्रेष्ठविरुद्ध आएको हाइड्रोपावरको आईपीओ अनुमतिमा कमिसन मागेको आरोपलाई कडा रूपमा खारेज गरेको छ। बोर्डले उक्त आरोपलाई 'तथ्यहीन, आधारविहीन, कपोकल्पित र नियोजित प्रचार' को संज्ञा दिँदै नियामक संस्थाको छविलाई धूमिल पार्ने नियोजित प्रयास भएको दाबी गरेको हो।
बोर्डका अनुसार पूँजी बजारमा सुधार देखिएसँगै केही स्वार्थ समूहहरू आत्तिएर नियामकलाई बदनाम गर्न प्रायोजित सामग्रीहरू सार्वजनिक गरिरहेका छन्। साथै, कसैले अध्यक्ष श्रेष्ठको नाम लिएर गैरकानुनी लाभ लिएको प्रमाण भएमा 'तथ्यगत विवरण उपलब्ध गराउन' बोर्डले सबैलाई आग्रह गरेको छ।
© 2025 All right reserved to Nayasadak.com | Site By : Sobij
