May 22 2025 | २०८२, जेठ ८गते
काठमाडौँ । नेपाल राष्ट्रिय निजामती कर्मचारी संगठनले १७औं गणतन्त्र दिवस २०८२को अवसरमा वृहत जनसांस्कृतिक कार्यक्रमको आयोजना गर्न लागेको छ । लामो बलिदानीपूर्ण संघर्षबाट प्राप्त भएको गणतन्त्रलाई सफल बनाउन १७ औं गणतन्त्र दिवस, २०८२ को अवसरमा नेपाल राष्ट्रिय निजामती कर्मचारी संगठनले वृहत जन सांस्कृतिक कार्यक्रम आयोजना गर्न लागेको जनाएको हो ।
नेपाल कम्यूनिष्ट पार्टी (माओवादी केन्द्र) का अध्यक्ष एवं पूर्व प्रधानमन्त्री प्रचण्डको प्रमुख आतिथ्यतामा उक्त कार्यक्रम हुने जनाइएको छ । निजामती केन्द्रीय समितिद्वारा आयोजित कार्यक्रममा “जनताको सपना” भन्ने नाटक तथा नेपाली राष्ट्रियता झल्किने “वृहत जनसांस्कृतिक कार्यक्रम“ सहित विभिन्न कार्यक्रमहरूको आयोजना हुने संगठनले जारी गरेको विज्ञप्तिमा भनेको छ ।
संगठनका महासचिव डिलाराम खनालले सो कार्यक्रम जेठ १५ गते नेपाल प्रज्ञा भवन कमलादी काठमाडौँमा विहान ११ बजेदेखि ५ वजेसम्म हुने जारी गरेको विज्ञप्तिमा जनाएका छन् । वृहत जन–सांस्कृतिक कार्यक्रम–२०८२मा जीवन शर्मा , शम्भु राई , विष्णु खत्री , टिका पुन , नविन खड्का ,भंकार बुढा, स्मिता दाहाल, सुबोध गौतम लगायतका कलाकारको सहभागिता रहनेछ । नाटकका परिकल्पनाकार अम्बादल भट्ट र लेखन निर्देशन रामबाबु रेग्मीको रहेको जनाइएको छ । कार्यक्रममा मौलिक नृत्यहरुमा हुड्के नाच, मयुर नाच , कौडा नाच, नेवा÷तामाङ सेलो , भोजपुरी नाच , मारुनी नाच आदि समावेश गरिएका छन् ।
© 2025 All right reserved to Nayasadak.com | Site By : Sobij
