May 25 2025 | २०८२, जेठ ११गते
काठमाडौं । नेपाल राष्ट्र बैंक चालु आर्थिक वर्षको मौद्रिक नीतिको तेस्रो त्रैमासिक समीक्षा सार्वजनिक गर्ने अन्तिम तयारीमा जुटेको छ। हाल समीक्षा मस्यौदामाथि अन्तिम छलफलका लागि सञ्चालक समितिको बैठक बसेको छ। राष्ट्र बैंक स्रोतका अनुसार सम्भव भएसम्म आज साँझ वा नभए भोलिसम्म समीक्षा सार्वजनिक गरिने तयारी गरिएको छ।
मौद्रिक नीति तर्जुमा कार्यविधि, २०७३ (प्रथम संशोधन, २०७९) अनुसार, राष्ट्र बैंकले वार्षिक मौद्रिक नीति आर्थिक वर्ष सुरु भएको १५ दिनभित्र र त्रैमासिक तथा अर्धवार्षिक समीक्षा सम्बन्धित त्रैमास समाप्त भएको ४५ दिनभित्र सार्वजनिक गर्नुपर्ने कानुनी व्यवस्था छ। उक्त प्रावधानअनुसार चालु आर्थिक वर्षको तेस्रो त्रैमासिक समीक्षा जेठ १५ गते बिहीबारसम्म सार्वजनिक गरिसक्नुपर्ने बाध्यता छ। यसै सन्दर्भमा, राष्ट्र बैंकले समयसीमा भित्र नीति समीक्षा सम्प्रेषण गर्न आन्तरिक तयारी तीव्र पारेको छ।
© 2025 All right reserved to Nayasadak.com | Site By : Sobij
