Nov 06 2025 | २०८२, कात्तिक २०गते
काठमाडौँ । काठमाडौँको मुटु क्षेत्रपाटी चोकमा नवीन अग्रवाल गोयलको पतञ्जलीको पसल छ । क्षेत्रपाटी चोकबाट ठैँटीतिर मोडिँने बित्तिकैको बायाँ साइडको मोडको ठुलो घरको भित्रपट्टीको सटरमा भारतका योगगुरु रामदेव र बालकृष्णद्वारा प्रवद्र्धित कम्पनी पतञ्जलीका उत्पादनहरू बेच्ने पसल छ । नवीन अग्रवाल(गोयल)द्वारा सञ्चालित उक्त पसल देखावटीमात्र हो । उक्त पसललाई देखाएर उनले हुण्डी र अनलाइनसँग सम्बन्धित विभिन्न अवैध काम गरिररहेको समाचार स्रोतले बताएको छ ।
नवीनले भारतीय नम्बरको प्रयोग गरेर हुण्डीचिट्ठी र अनलाइन सट्टेबाजीको काम समेत गरिरहेको उनी निकट स्रोतले बताएको छ । यस अगाडि पनि अनलाइन ठगी र अवैध कारोबारमा मुछिसकेका अग्रवालले मुख्यतः भारत र चीनमा अवैध हुण्डीको काम गर्ने गरेको बताइएको छ । क्षेत्रपाटी नयाँ सडक लगायतका ठामबाट प्रहरीले हुण्डीसहितको रकम पक्राउ गरिरहेको अवस्थामा क्षेत्रपाटी चोकमै अवैध काम भइरहँदा प्रहरीले चाल नपाउनुलाई आश्चर्यको रूपमा लिइएको छ । नवीनले विभिन्न सहकारी र बैंक मार्फत् समेत हुण्डीको कारोबार गर्ने गरेको उनी निकट स्रोतले बताएको छ ।यससम्बन्धमा नवीन अग्रवालले आफूले हुण्डीको काम गर्ने नगरेको बताए । उनले कस्मेटिकको काम छोडेर पतञ्जलीको पसल सञ्चालन गर्दै आएको बताए ।
© 2025 All right reserved to Nayasadak.com | Site By : Sobij
