Jun 15 2025 | २०८२, असार १गते
काठमाडौं । नेपाल मेडिकल काउन्सिलले १२ देखि १५ जेठसम्म सञ्चालित नाम दर्ता (लाइसेन्स) परीक्षा पास गर्ने ७८ प्रतिशत जति परीक्षार्थी रहेका छन् ।
परीक्षाको नतिजाअनुसार कुल ७७.९९ प्रतिशत परीक्षार्थी उत्तीर्ण भएका हुन् । परीक्षामा कुल २ हजार ९० जना परीक्षार्थी दर्ता भएकामध्ये २ हजार ७७ जना परीक्षामा सहभागी भएका थिए ।
१३ जना परीक्षार्थी अनुपस्थित रहेको काउन्सिलले जनाएको छ । मेडिकल र डेन्टल दुवै कार्यक्रम समावेश गरिएको उक्त परीक्षामा मेडिकल क्षेत्रतर्फ १ हजार ६११ जना दर्ता भएकामध्ये १ हजार ६०० जनाले परीक्षा दिएका थिए ।
तीमध्ये १ हजार २२६ जना उत्तीर्ण भएका छन् । यो ७६.६२ प्रतिशत सफलता हो । डेन्टल क्षेत्रतर्फ ४७९ परीक्षार्थी दर्ता भएकामध्ये ४७७ जनाले परीक्षा दिएका मध्ये ३९४ जना उत्तीर्ण भएका छन्।यो ८२.६० प्रतिशत सफल सफलता हो ।
© 2025 All right reserved to Nayasadak.com | Site By : Sobij
