Nov 10 2025 | २०८२, कात्तिक २४गते
काठमाडौँ ।अमेरिकी सेयर बजारले पछिल्लो साता लगातार उकालो यात्रा गर्दै नयाँ कीर्तिमानी उच्च विन्दुमा पुग्न सफल भएको छ। शुक्रबारको कारोबार अन्त्यमा S&P 500 र नास्ड्याक दुबै सूचकांकले ऐतिहासिक बिन्दुमा बन्द भएका छन्। लगानीकर्ताहरूमा व्यापार सम्झौताको आशाले आत्मविश्वास बढाइरहेको बेला अमेरिकी आर्थिक तथ्यांकहरूले फेडरल रिजर्भबाट निकट भविष्यमै ब्याजदर घटाउने अपेक्षालाई थप बल प्रदान गरेको छ।
यता, क्यानडाले प्रविधि कम्पनीहरुमाथि लगाएको डिजिटल करप्रति असन्तुष्टि जनाउँदै पूर्वराष्ट्रपति डोनाल्ड ट्रम्पले क्यानडासँगको व्यापार वार्ता अन्त्य गरेका छन्। यस घटनाले लगानीकर्ताको मनोबलमा केही असर गरे पनि प्रमुख तीनवटै अमेरिकी सूचकांकहरूले साताको समग्रमा लाभ कमाएका छन्।
विशेषगरी नास्ड्याक सूचकांकले ऐतिहासिक उचाइमा पुग्दै बुल मार्केटमा प्रवेश गरेको छ। जबकि डाओ जोन्स सूचकांक अझै केही तल रहेकाले नयाँ कीर्तिमानी स्तर पार गर्न केही दुरी बाँकी देखिन्छ।
S&P 500 सूचकांक ०.५ प्रतिशतले बढेर ६,१७३.०७ विन्दुमा बन्द भएको छ, जुन हालसम्मकै सबैभन्दा उच्च क्लोजिङ हो। यसले २०२५ को फेब्रुअरी यता पहिलो पटक नयाँ रेकर्ड बनाएको हो। उता, नास्ड्याकले पनि ०.५ प्रतिशतले वृद्धि गर्दै विगत डिसेम्बर यता पहिलो पटक नयाँ विन्दु छुन सफल भएको छ।
डाओ जोन्स सूचकांक ४३२ अंकले (१ प्रतिशत) बढे पनि अझै करिब १२०० अंकले माथि जान बाँकी छ, ताकि नयाँ रेकर्ड स्थापित गर्न सकियोस्। पछिल्ला दुई महिनामा S&P 500 मा देखिएको तीव्र उतारचढावले बजार मूल्यमा झण्डै ९.८ ट्रिलियन डलरको गिरावट ल्याएको थियो, जुन अब फेरि पुनःस्थापित भइसकेको विश्लेषकहरूको भनाइ छ।
© 2025 All right reserved to Nayasadak.com | Site By : Sobij
