Jul 04 2025 | २०८२, असार २०गते
नेपाल चिकित्सक सङ्घले सोमबार आकस्मिक बैठक बोलाएर थप आन्दोलनका नयाँ कार्यक्रमहरू घोषणा गरेको छ। बैठकमा सहभागी चिकित्सकहरूले आगामी दिनमा आफ्ना माग पूरा गर्न थप कडा कदम चाल्ने निर्णय गरेका छन्।
काठमाडौं।असार २४ गते मङ्गलबार चिकित्सकहरूले मेडिकल काउन्सिलमा प्रमाणपत्र बुझाउने कार्यक्रम तय गरिएको छ। यसअन्तर्गत चिकित्सकहरूले आफ्नो पेशागत प्रमाणपत्र काउन्सिलमा बुझाएर विरोध स्वरूप आन्दोलनलाई अझ प्रभावकारी बनाउने उद्देश्य राखिएको छ।
उपभोक्ता अदालतले चिकित्सकहरूको पेशागत अधिकारसम्बन्धी मुद्दामा गरेको निर्णयलाई चिकित्सकहरूले अस्वीकार गर्दै यो निर्णयविरुद्ध आन्दोलन जारी राख्ने निर्णय गरेका छन्। उनीहरूले यो निर्णयले चिकित्सकहरूको स्वतन्त्रता र अधिकारमा नकारात्मक असर पर्ने बताउँदै अदालतको निर्णयलाई चुनौती दिने बताएका छन्।
यसरी नयाँ आन्दोलनका कार्यक्रम सार्वजनिक भएपछि आगामी दिनमा चिकित्सक र सम्बन्धित निकायबीच विवाद थप उग्र हुने सम्भावना देखिएको छ।
© 2025 All right reserved to Nayasadak.com | Site By : Sobij
