Oct 14 2025 | २०८२, असोज २८गते
काठमाडौं ।संघीय मामिला तथा सामान्य प्रशासन मन्त्रालयले सेवा अवधि पूरा गरेका ३४ जना उपसचिवहरूको सरुवा गरेको छ। सरुवा प्रक्रिया शुक्रबार अन्तिम समयमा मन्त्रालयका सचिव रविलाल पन्थको स्तरिय निर्णयबाट कार्यान्वयनमा आएको हो।
मन्त्रालयले नियमित प्रशासनिक प्रक्रियाअनुसार विभिन्न मन्त्रालय, प्रदेश र सरकारी निकायमा कार्यरत उपसचिवहरूको कार्यक्षमता, सेवा अवधि र आवश्यकता मूल्याङ्कन गरी सरुवा गरेको जनाएको छ। सरुवा सूचीमा रहेका उपसचिवहरूलाई नयाँ कार्यस्थलमा जिम्मेवारी सम्हाल्न शीघ्र आदेश दिइएको छ।
सचिव पन्थको नेतृत्वमा भएको यस निर्णयलाई प्रशासनिक ढाँचामा नियमित सञ्चालनको संकेतका रूपमा लिइएको छ। मन्त्रालय स्रोतका अनुसार आगामी दिनमा अन्य तहका अधिकृतहरूको पनि सरुवा प्रक्रिया क्रमिक रूपमा अघि बढाइनेछ।
© 2025 All right reserved to Nayasadak.com | Site By : Sobij
