Oct 14 2025 | २०८२, असोज २८गते
काठमाडौँ।नेपाल स्टक एक्सचेञ्ज (NEPSE) परिसूचक आज साउन २० गते ४१.७८ अंकले घटेर २,८३३.५७ मा झरेको छ, जसले १.४५ प्रतिशतको गिरावट दर्शाउँछ। बजार खुल्दाको केही समयपछि थोरै वृद्धि देखिए पनि कारोबार अवधिभर सूचक निरन्तर ओरालो लाग्दै अन्तिम समयसम्म गिरावटमै बन्द भएको हो। आजको दिन कुल रु. ९ अर्ब ३३ करोड ३३ लाख बराबरको सेयर कारोबार भएको छ भने करिब २ करोड २२ लाख कित्ता सेयर किनबेच भएका छन्।
आज ४६ वटा कम्पनीको सेयर मूल्य वृद्धि भए पनि २०४ वटा कम्पनीको सेयर घटेको छ, भने कुनै पनि कम्पनीको मूल्य स्थिर (unchanged) रहेन। बजारमा भारी गिरावट देखिए तापनि केही कम्पनीहरूले उल्लेखनीय वृद्धि हासिल गरेका छन्। SAMAJ र USLB कम्पनीले समान रूपमा १० प्रतिशतको सर्किट लेभल हिट गर्दै आजको शीर्ष लाभकर्ता बन्न सफल भएका छन्। त्यसपछि WNLB ले ४.६४ प्रतिशत, SHLB ले ४.२२ प्रतिशत र SFMF ले ३.७३ प्रतिशतले मूल्य वृद्धि गरेका छन्।
त्यस्तै, कारोबार रकमको आधारमा HRL कम्पनी अग्रस्थानमा रहेको छ, जसको कारोबार रकम ३९ करोड २८ लाख रुपैयाँभन्दा बढी रहेको छ। त्यसपछि TTL, SHIVM, BPCL र NGPL क्रमशः उच्च कारोबार गर्ने कम्पनीहरूमा परेका छन्। TTL को कारोबार करिब ३७ करोड रुपैयाँ, SHIVM को ३३ करोड, BPCL को ३० करोड र NGPL को २४ करोड रुपैयाँभन्दा बढी रहेको छ।
© 2025 All right reserved to Nayasadak.com | Site By : Sobij
