Nov 09 2025 | २०८२, कात्तिक २३गते
काठमाडौं । प्रधानमन्त्री तथा कुलपति केपी शर्मा ओलीसमक्ष चार स्वास्थ्य विज्ञान प्रतिष्ठानका नवनियुक्त उपकुलपतिहरूले आज पद तथा गोपनीयताको शपथ लिएका छन्।
प्रधानमन्त्री तथा मन्त्रिपरिषद्को कार्यालय, सिंहदरबारमा आयोजित कार्यक्रममा बीपी कोइराला स्वास्थ्य विज्ञान प्रतिष्ठानका उपकुलपति प्रा. डा. विक्रमप्रसाद श्रेष्ठ, कर्णाली स्वास्थ्य विज्ञान प्रतिष्ठानका उपकुलपति सह प्रा. डा. पुजनकुमार रोकाया, पाटन स्वास्थ्य विज्ञान प्रतिष्ठानका उपकुलपति प्रा. डा. बुद्धिप्रसाद पौडेल र पोखरा स्वास्थ्य विज्ञान प्रतिष्ठानका उपकुलपति डा. भरत खत्रीले शपथ ग्रहण गरेका हुन्।
कार्यक्रममा कुलपति ओलीले नवनियुक्त उपकुलपतिहरूलाई स्वच्छ, पारदर्शी र जनहितमा देखिने खालका कार्य गर्न सफलताको शुभकामना व्यक्त गरेका थिए।
© 2025 All right reserved to Nayasadak.com | Site By : Sobij
