Aug 17 2025 | २०८२, भदौ १गते
काठमाडौं । निर्जीवन बीमा कम्पनीहरूले आर्थिक वर्ष २०८१/८२ को वित्तीय विवरण सार्वजनिक गरेका छन्। विवरणअनुसार, सो अवधिमा कम्पनीहरूले कुल ४३ अर्ब ९५ करोड रुपैयाँ बराबरको बीमाशुल्क संकलन गरेका छन्।
सबैभन्दा धेरै बीमाशुल्क संकलन गर्ने कम्पनीमा शिखर इन्स्योरेन्स पहिलो स्थानमा परेको छ। कम्पनीले ३ लाख ९ हजारभन्दा बढी बीमा पोलिसी जारी गरी ५ अर्ब ७९ करोड रुपैयाँ बराबरको शुल्क संकलन गरेको छ।
त्यसैगरी, सगरमाथा लुम्बिनी इन्स्योरेन्स दोस्रो स्थानमा रह्यो। कम्पनीले २ लाख ७९ हजार बीमा पोलिसी जारी गरेर ५ अर्ब रुपैयाँ बराबरको बीमाशुल्क संकलन गरेको छ।
नेपाल इन्स्योरेन्सले १ लाख ९४ हजारभन्दा बढी बीमा पोलिसी जारी गरी २ अर्ब ३ करोड,
दि ओरिएन्टल इन्स्योरेन्सले ४४ हजार ७ सयभन्दा बढी पोलिसी जारी गरी २ अर्ब ७० करोड,
र राष्ट्रिय बीमा कम्पनीले १ लाख ५९ हजारभन्दा बढी पोलिसी जारी गरी १ अर्ब ३७ करोड बीमाशुल्क संकलन गरेका छन्।
नेशनल इन्स्योरेन्स : २८ हजार २ सय पोलिसी, १ अर्ब रुपैयाँभन्दा बढी संकलन
नेको इन्स्योरेन्स : २ लाख ९१ हजार पोलिसी, ३ अर्ब २८ करोड संकलन
प्रभु इन्स्योरेन्स : १ लाख २३ हजार पोलिसी, १ अर्ब ८६ करोड संकलन
एनएलजी इन्स्योरेन्स : १ लाख ९९ हजार पोलिसी, ३ अर्ब ६ करोड संकलन
सानिमा जिआईसी इन्स्योरेन्स : १ लाख ३२ हजार पोलिसी, २ अर्ब ७० करोड संकलन
हिमालयन एभरेष्ट इन्स्योरेन्स : १ लाख ३२ हजार पोलिसी, ४ करोडभन्दा बढी संकलन
यसरी, बीमा कम्पनीहरूले समग्रमा ठूला परिमाणको शुल्क संकलन गर्दै बीमा व्यवसाय विस्तारमा सक्रिय भूमिका खेलिरहेका देखिन्छन्।
© 2025 All right reserved to Nayasadak.com | Site By : Sobij
