Aug 29 2025 | २०८२, भदौ १३गते
काठमाडौँ । वाणिज्य विभागका महानिर्देशक र शाखा अधिकृतको कीर्ते हस्ताक्षर गरी आयात गरिएको पोस्तादाना केराउ वीरगञ्ज भन्सारमा रोकिएको छ ।काठमाडौँ कुलेश्वरका व्यापारी रमेशकुमार जालान र वीरगञ्जका व्यापारी पवनकुमार साहले नकली कागज कीर्ते गरी आयात गर्न खोजिएको पोस्तादाना केराउ वीरगञ्जमा रोकिएको हो ।वीरगञ्जका प्रमुख भन्सार अधिकृत रामप्रसाद पाठकले डकुमेन्ट पूरा नभएकाले रोकिएको जानकारी सार्वजनिक गरेका हुन् ।
सम्बद्ध स्रोतले जनाए अनुसार विभागका तत्कालीन महानिर्देशक कुमार दाहालको नकली हस्ताक्षर गरी वीरगञ्जका व्यापारी पवनकुमार साहले आयात गरेका हुन् । उनले सत्यम एग्रोको नाममा ५ हजार टन केराउ आयातको अनुमति पत्र बनाएका हुन् ।
यसैगरी पोस्तानदानाको अनुमति पत्रमा शाखा अधिकृत प्रहलाद सापकोटाको नकली हस्तार गरिएको छ । विभागबाट सरुवा भइ गएका तत्कालीन महानिर्देशक दाहालका अनुसार उनको दस्तखत कीर्ते गरेको पाइएको छ ।
उनका अनुसार यसरी कीर्ते दस्तखत गर्ने गरिएको छ । उनी जिम्मेवारीमा रहेका बेला यस्तो विषयमा छानबिनका लागि सीआईबीमा कारबाही अगाडि बढाएको थियो ।
© 2025 All right reserved to Nayasadak.com | Site By : Sobij
