Sep 16 2025 | २०८२, भदौ ३१गते
काठमाडौं । नेपाली बजारमा मंगलबार सुनको मूल्य प्रतितोला १ हजार ९०० रुपैयाँले बढेर तोलाको २ लाख १७ हजार १०० रुपैयाँ हुँदा नयाँ रेकर्ड कायम भएको छ ।
नेपाल सुनचाँदी व्यवसायी संघका अनुसार मंगलबार छापावाल सुन प्रतितोला २ लाख १७ हजार १०० रुपैयाँमा कारोबार भइरहेको छ । सोमबार बजारमा छापावाला सुन प्रतितोला २ लाख १५ हजार २०० रुपैयाँमा कारोबार भएको थियो ।
त्यसैगरी, चाँदीको मूल्य निरन्तर ऐतिहासिक उचाइ बनाउँदै बढेको छ । आज चाँदी तोलामा २० रुपैयाँले बढेर रेकर्ड ब्रेक गरेको हो । मंगलबारको बजारमा चाँदी दुई हजार ५ सय ९५ रुपैयाँमा खरिदबिक्री भइरहेको छ । सोमबारको बजारमा चाँदी २ हजार ५ सय ७५ रुपैयाँमा कारोबार भएको थियो ।
© 2025 All right reserved to Nayasadak.com | Site By : Sobij
