Nov 27 2025 | २०८२, मंसिर ११गते
वीरगञ्ज (पर्सा)।चालु आर्थिक वर्षका पहिलो चार महिनामा वीरगञ्ज नाका हुँदै रु ३३ अर्ब २१ करोड बराबरको उत्पादन निर्यात भएको छ। यो आंकडा गत आर्थिक वर्षको सोही अवधिमा देखिएको रु १३ अर्ब ६४ करोड को निर्यात मूल्यभन्दा दोब्बरभन्दा बढी हो।
वीरगञ्ज भन्सारका प्रमुख विष्णुप्रसाद ज्ञवालीका अनुसार यस अवधिमा मात्रै रु १७ अर्ब ३२ करोड बराबरको भटमासको तेल निर्यात भएको छ। त्यस्तै रु २ अर्ब ६० करोड बराबरको फलफूलको जुस समेत बाहिरिने प्रमुख वस्तु बनेका छन्।
निर्यातमा आएको उल्लेखनीय वृद्धि स्थानीय उत्पादन क्षमतामा सुधार, भारतीय बजारमा माग बढ्नु, तथा उद्योगहरूको उत्पादन विस्तारसँग सम्बन्धित रहेको बताइएको छ।
वीरगञ्ज नाका नेपालको सबैभन्दा ठूलो व्यापारिक प्रवेशद्वार भएकाले यहाँको निर्यात–आयात गतिविधि राष्ट्रको समग्र व्यापार संतुलनमा महत्वपूर्ण प्रभाव पार्दै आएको छ।
© 2025 All right reserved to Nayasadak.com | Site By : Sobij
