May 01 2025 | २०८२, वैशाख १९गते
काठमाडौँ । नेपाल–भारत चेम्बर अफ कमर्स एण्ड इन्डस्ट्री (निक्की)को आयोजना प्रथम प्रभाकर शमशेर जङ्गबहादुर राणाको स्मृतिमा आयोजित आख्यान कार्यक्रम सम्पन्न भएको छ ।
निक्कीले आयोजना गरेको प्रथम प्रभाकर शमशेर राणा स्मृति आख्यान कार्यक्रममा राणाको आर्थिक क्षेत्रमा भएको योगदानको बारेमा चर्चा गरिएको हो ।
कार्यक्रममा अन्तर्राष्ट्रिय मुद्रा कोष (आईएमएफ)का कार्यकारी निर्देशक तथा भारत सरकारका पूर्व प्रमुख आर्थिक सल्लाहकार डा. कृष्णमूर्ति वेंकट सुब्रमण्यम मुख्य वक्ताको रूपमा उपस्थिति थिए ।
कार्यक्रममा राणाको बारेमा तयार पारिएको लघुकथामा आधारित फिल्म प्रदर्शन गरिएको थियो कार्यक्रममा विशिष्ट सम्बोधन गर्नेहरूमा तारा म्यानेजमेन्ट प्रालिका अध्यक्ष सिद्धार्थ शमशेर जङ्गबहादुर राणा र नेपालस्थित भारतीय दूतावासका मिसन उपप्रमुख प्रशन्न श्रीवास्तव थिए ।
सो कार्यक्रममा बिजनेस क्लाइमेट सर्वे फर इन्डियन कम्पनीज इन नेपाल २०२४ शीर्षकको एक पुस्तक विमोचन गरिएको थियो ।कार्यक्रमको समापन सम्बोधन निक्कीका उपाध्यक्ष रवि रायाब्रामले गरेका थिए । कार्यक्रमको स्वागत सम्बोधन निक्कीका निवर्तमान अध्यक्ष सृजना राणाले गरेकी थिइन् ।
कार्यक्रममा प्रमुख अतिथिको रूपमा आमन्त्रित उद्योग, वाणिज्य तथा आपूर्ति मन्त्री दामोदार भण्डारी भने अनुपस्थित रहेका थिए ।
© 2025 All right reserved to Nayasadak.com | Site By : Sobij
