
काठमाडौँ । सरकारी स्वामित्वको हवाई सेवा कम्पनी नेपाल वायुसेवा निगमले करिब चार महिनापछि ताप्लेजुङको सुकेटार विमानस्थलमा फेरि उडान सेवा सुरु गरेको छ।निगमले आइतबार ५ यात्रु बोकेर सुकेटारमा फेरि उडान गरेको हो । निगमले गत शुक्रबार नै सुकेटारमा उडान गर्ने तालिका तय गरेको थियो । प्राविधिक समस्याका कारण आइतबारका लागि त्यसलाई सारिएको थियो ।
ट्वीनअटर जहाज सुकेटारबाट ६ यात्रु बोकेर काठमाडौं फर्किएको निगमका अधिकारीहरुले जनाएका छन्। जहाजमा समस्या आएपछि निगमले मंसिर अन्तिममा सुकेटारमा उडान बन्द गरेको थियो। निगमसँग अहिले ट्वीनअटर जहाज २ वटा छन्।
© 2025 All right reserved to Nayasadak.com | Site By : Sobij