Sep 10 2025 | २०८२, भदौ २५गते
काठमाडौं । पिपुल्स पावर लिमिटेडले चालु आर्थिक वर्षको तेस्रो त्रैमाससम्म ७८ लाख २ हजार रुपैयाँ खुद नाफा कमाएको छ, जुन अघिल्लो वर्षको तुलनामा ३६।७६ प्रतिशतले कम हो। अघिल्लो वर्ष कम्पनीले सो अवधिमा १ करोड २३ लाख रुपैयाँ नाफा आर्जन गरेको थियो।
नाफा घट्नुको प्रमुख कारण विद्युत बिक्री आम्दानीमा आएको गिरावट हो। गत वर्ष ८ करोड १४ लाख रुपैयाँ आम्दानी यस त्रैमासमा घटेर ६ करोड ९६ लाख रुपैयाँमा झरेको छ। यद्यपि, कम्पनीको वित्तीय खर्च २ करोड ९६ लाखबाट घटेर २ करोड २ लाख रुपैयाँमा झरेको छ, जसले आंशिक राहत दिएको छ।
६३ करोड २६ लाख रुपैयाँ चुक्ता पुँजी रहेको कम्पनीको जगेडा कोष भने १ करोड २५ लाख रुपैयाँले ऋणात्मक अवस्थामा पुगेको छ। प्रति शेयर आम्दानी १.२३ रुपैयाँ र प्रति शेयर नेटवर्थ ९८.०२ रुपैयाँ रहेको छ।
कम्पनीले वित्तीय स्थितिलाई सुदृढ पार्न ५० प्रतिशत हकप्रद सेयर जारी गर्ने तयारी गरिरहेको छ, जसले पूँजी संरचनामा सुधार ल्याउने अपेक्षा गरिएको छ।
© 2025 All right reserved to Nayasadak.com | Site By : Sobij
