May 14 2025 | २०८२, जेठ २गते
दमौली ।वैदेशिक रोजगारीमा ठगिएका तनहुँका २४ सर्वसाधारणको रू ५४ लाख दुई हजार फिर्ता गरिएको छ ।
जिल्ला प्रशासन कार्यालयमा रहेको सुरक्षित आप्रवासन परियोजना ९सामी० को पहलमा विभिन्न ठाउँका २४ जनाको रकम फिर्ता गरिएको हो ।
चालु आर्थिक वर्षको चैत मसान्तसम्म केन्द्रमा एक सय चार वटा उजुरी दर्ता भएका छन् । त्यसमध्ये २४ जनाको उजुरी फछ्र्योट गरी पीडितलाई रकम फिर्ता गरिएको सहायक प्रमुख जिल्ला जीतबहादुर भण्डारीले जानकारी दिनुभयो । केन्द्रमा दर्ता भएकामध्ये ८० वटा उजुरी वैदेशिक रोजगार विभागमा पठाइएको छ ।
केन्द्रले छ, हजार चार सय सात पुरूष र तीन हजार छ सय १९ महिला गरी १० हजार २६ जनालाई वैदेशिक रोजगारीसम्बन्धी परामर्श प्रदान गरेको छ । भण्डारीका अनुसार वैदेशिक रोजगारीको क्रममा मृत्यु भएकाको परिवार र दुर्घटनामा परेकाका लागि रू चार करोड २१ लाख १९ हजार दुई सय ५६ बिमा बापत्को रकम उपलब्ध गराइएको छ ।
वैदेशिक रोजगारीलाई सुरक्षित र मर्यादित बनाउन विसं २०७६ मङ्सिर १ गतेदेखि जिल्लामा सामी परियोजना सञ्चालित छ ।
© 2025 All right reserved to Nayasadak.com | Site By : Sobij
