Oct 19 2025 | २०८२, कात्तिक २गते
काठमाडौं । नागरिक उन्मुक्ति पार्टीका संरक्षक रेशम चौधरीलाई पक्राउ गर्न भन्दै पत्र लेख्न सर्वोच्च अदालतका शाखा अधिकृत महिमान सिंह विष्टलाई धरौटीमा छाड्न अदालतले आदेश दिएको छ ।
काठमाडौं जिल्ला अदालतका न्यायाधीश दिनबन्धु बरालको इजलासले विष्टलाई एक लाख रुपैयाँ धरौटीमा छाड्न आदेश दिएको हो । धरौटी बुझाएर रिहा हुने प्रक्रियामा उनी रहेको अदालतले बताएको छ ।
विष्टले अनधिकृत रूपमा पत्र लेख्दै रेशमलाई पक्राउ गरेर डिल्लीबजार कारागार चलान गर्न उक्त पत्र लिएर उनी आफैं जिल्ला प्रहरी परिसर काठमाडौं पुगेका थिए ।
त्यसपछि चौधरीले पक्राउ गरी डिल्लीबजार चलान गरिएको थियो । पछि थाहा पाएपछि सर्वोच्च अदालत प्रशासनले त्यो पत्र गलत भएको भनी अर्को पत्र पठाइ चौधरीलाई रिहा गर्न लगाएको थियो भने विष्टलाई कारबाहीका लागि पठाइएको थियो ।
© 2025 All right reserved to Nayasadak.com | Site By : Sobij
