Aug 30 2025 | २०८२, भदौ १४गते
काठमाडौं । अख्तियार दुरूपयोग अनुसन्धान आयोगले सरकारी जग्गा व्यक्तिको नाममा दर्ता गरी करौडौँको आर्थिक चलखेल गरेको आरोपमा नापी अधिकृत सुग्रीव यादवविरुद्ध ५ करोड ७९ लाख ६२ हजार ४४० रुपैयाँ विगो मागसहित विशेष अदालत काठमाडौंमा भ्रष्टाचार मुद्दा दायर गरेको छ ।
आयोगका अनुसार यादवले विभागीय प्रमुख र राजनीतिक पहुँचलाई प्रयोग गरी लामो समयसम्म निमित्त कार्यालय प्रमुख रहँदै सरकारी जग्गा मिलान गर्ने नाममा सार्वजनिक जग्गा व्यक्तिको नाममा दर्ता गरी आर्थिक अनियमितता गरेका छन् ।
अनुसन्धानका क्रममा उनले सार्वजनिक पदमा रहेर ९ करोड ३ लाख ९५ हजार ४४४ रुपैयाँ मात्र आर्जन गरेको देखिए पनि सोही अवधिमा १४ करोड ८३ लाख ५७ हजार ८८४ रुपैयाँ बराबरको खर्च तथा लगानी गरेको पाइएको छ । यसरी यादवले ५ करोड ७९ लाख ६२ हजार ४४० रुपैयाँ स्रोत खुलाउन नसकेको अख्तियारले जनाएको छ ।
आयोगले यादवसहित उनकी श्रीमती र छोराहरूको नाममा दर्ता गरिएको सम्पत्ति पनि जफत गर्न माग गरेको छ ।
© 2025 All right reserved to Nayasadak.com | Site By : Sobij
