Sep 03 2025 | २०८२, भदौ १८गते
काठमाडौं । नेपाल धितोपत्र बोर्डले एसवाई प्यानल नेपाल लिमिटेडलाई सर्वसाधारणमा ४० प्रतिशत आईपीओ निष्कासन गर्न अनुमति प्रदान गरेको छ । भदौ १७ गते प्राप्त स्वीकृतिपछि कम्पनीले प्रतिशेयर १०० रुपैयाँ अंकित मूल्यका ५२ लाख ३२ हजार ५४८ कित्ता, कुल ५२ करोड ३२ लाख ५४ हजार ८०० रुपैयाँ बराबरको आईपीओ सार्वजनिक गर्नेछ । हाल कम्पनीमा संस्थापक समूहको ६० प्रतिशत शेयर स्वामित्व रहेको छ । ७८ करोड ४८ लाख ८२ हजार ३०० रुपैयाँ चुक्तापूँजी रहेको कम्पनीको आईपीओ निष्कासन तथा बाँडफाँटपछि चुक्तापूँजी बढेर १ अर्ब ३० करोड ८१ लाख ३७ हजार १०० रुपैयाँ पुग्नेछ । यस आईपीओको निष्कासन तथा बिक्री प्रबन्धकको जिम्मेवारी प्रभु क्यापिटल लिमिटेडले वहन गर्नेछ ।
© 2025 All right reserved to Nayasadak.com | Site By : Sobij
