Nov 24 2025 | २०८२, मंसिर ८गते
काठमाडौँ । आर्थिक वर्ष सकिएको चार महिना बितिसक्दा पनि नेप्सेमा सूचीकृत २५९ कम्पनीमध्ये मात्र ४६ कम्पनीले लाभांश घोषणा गरेका छन्। त्यस्तै, ५१ कम्पनीले साधारण सभा (AGM) घोषणा गरिसकेका छन् भने ४० कम्पनीले AGM सम्पन्न गरिसकेका छन्। ११ कम्पनीले मिति घोषणा गरे पनि सभा सम्पन्न गर्न बाँकी छ।
यस अवधिमा सूचीकृत कम्पनीहरूले न्यूनतम ५% देखि अधिकतम १८४२% सम्मको लाभांश घोषणा गरेका छन्। सबैभन्दा धेरै युनिलिभर नेपालले १८४२% नगद लाभांश घोषणा गर्दै शीर्ष स्थान हासिल गरेको छ।
बरुण हाइड्रोपावर, ङादी ग्रुप पावर र सिंगटी पावरले ५% लाभांश दिएका छन्। बरुण र ङादीले ४.७५% बोनस + ०.२५% नगद तथा सिंगटीले ५% नगद लाभांश वितरण गरेका छन्।
समग्रमा, धेरै कम्पनीहरूले अझै लाभांश घोषणा गरिनसकेकाले लगानीकर्ताहरू आगामी महिनामा थप घोषणा आउने अपेक्षामा छन्।
© 2025 All right reserved to Nayasadak.com | Site By : Sobij
