Jun 23 2025 | २०८२, असार ९गते
काठमाडौं । अबदेखि सुन आयातका लागि सिफारिस गर्दा कुनै पनि प्रकारको शुल्क वा दस्तुर लिने पाइने छैन। नेपाल राष्ट्र बैंकको विदेशी विनिमय व्यवस्थापन विभागले सुन आयात तथा बिक्री वितरण प्रक्रियामा लाग्ने शुल्क हटाउन निर्देशन दिएको हो।
बैंकले सुन आयात तथा बिक्री वितरणसम्बन्धी कार्यविधि, २०६८ को दफा १४ अनुसार, सिफारिसका क्रममा शुल्क नलाग्ने व्यवस्था रहेको स्पष्ट गर्दै, यसको पूर्ण कार्यान्वयन गर्न आग्रह गरेको छ।
यस निर्णयसँगै अब सुन आयातको स्वीकृति लिन सुन व्यवसायी संघ वा महासंघबाट सिफारिस गर्दा व्यवसायीले कुनै शुल्क तिर्नुपर्ने छैन। राष्ट्र बैंकले आयातकर्ता र व्यवसायीलाई निःशुल्क सेवा दिन निर्देशन दिँदै शुल्क लिएमा कडा कारबाही हुने चेतावनीसमेत दिएको छ।
© 2025 All right reserved to Nayasadak.com | Site By : Sobij
